Troll forskingsstasjon i Jutulsessen er base og utgangspunkt for biologisk, glasiologisk og geologisk feltarbeid i sommarsesongen, og er heilårsbase for kontinuerlege, langtidsovervakingsserier innanfor meteorologi, stråling, atmosfære, øvre atmosfære, miljøgiftar og seismologi.

Antarktistraktaten, ein eineståande og uvanleg internasjonal avtale, trådde i kraft 23. juni 1961 og legg dei juridiske rammene for aktivitet i området sør for 60 °S. Traktaten legg rammene for forvaltinga av eit kontinent ingen nasjon eig, men som fleire nasjonar har aktive interesser i.