Open dag med Antarktis i fokus

Besøkande kan lære om sjøfuglane som overlever under nokre av dei mest ekstreme forholda i verda, utforske steinar og geologiske spor som fortel historier millionar av år tilbake i tid, og bli med på ei visuell reise gjennom fjellandskap, isbrear og forskingsstasjonen Troll i Antarktis. Det blir òg aktivitetar for unge polarforskarar og høve til å få eit innblikk i Norsk Polarinstitutt si nye utstilling om Antarktis.

Saman med fugleforskar Sébastien Descamps besøker vi fuglefjella i Antarktis, heim for tusenvis av sjøfuglar. Foto: Sebastien Descamps / Norsk Polarinstitutt 

Korte foredrag frå Antarktis

I Polaria, rett ved Framsenteret, kan publikum få med seg ei rekkje korte og spennande foredrag frå nokre av våre forskarar og fagfolk med førstehandskunnskap om Antarktis.

Fugleforskaren Sébastien Descamps fortel om sjøfuglane som hekkar rundt Troll forskingsstasjon, og korleis dei knyter saman økosystema på land og i Sørishavet.

Maria Rød, leiar for flyoperasjonar i Antarktis, gir eit innblikk i korleis ein planlegg og gjennomfører flygingar på verdas kaldaste og mest utilgjengelege kontinent.

Havforskaren Tore Hattermann tek publikum med til Sørishavet og forklarer korleis endringar i havet rundt Antarktis påverkar klimaet langt utanfor grensene til kontinentet.

Maria Rød, leiar for flyoperasjonar i Antarktis, gir eit innblikk i korleis ein planlegg og gjennomfører flygingar på verdas kaldaste og mest utilgjengelege kontinent. Foto: Privat 

Havforskaren Tore Hattermann tek oss med til Sørishavet. Foto: Rudi Cayers / Norsk Polarinstitutt 

Kunstig intelligens og forskinga i framtida

I auditoriet på Framsenteret held redaktør Helle Goldman eit aktuelt foredrag om kunstig intelligens i vitskapen.

Kunstig intelligens er allereie i ferd med å endre måten forsking blir utført på, frå analyse av store datamengder og bilethandsaming til litteraturgjennomgang og vitskapleg skriving. Samstundes reiser teknologien viktige spørsmål om kvalitet, truverd og vitskapleg integritet.

Foredraget gir eit innblikk i korleis KI (kunstig intelligens) blir brukt i vitskapleg publisering i dag, og kva moglegheiter og utfordringar teknologien kan skape for forsking og kunnskapsutvikling i framtida.

Redaktør Helle Goldman gir eit innblikk i korleis kunstig intelligens (KI) blir brukt i vitskapleg publisering i dag, og kva moglegheiter og utfordringar teknologien kan skape for forsking og kunnskapsutvikling i framtida. Foto: Gjerde og Bergland /Norsk Polarinstitutt 

Gratis og ope for alle

Arrangementa er ein del av Forskingsdagane sitt arrangement Fritt Fram og blir arrangerte av Norsk Polarinstitutt i samarbeid med Framsenteret og Polaria.

Stad: Polarbiblioteket og auditoriet i Framsenteret, samt Polaria
Pris: Gratis
Målgruppe: Alle som er nyfikne på polarområda, forsking og framtidas teknologi

Velkomen til ein dag fylt med kunnskap, oppdagingar og fascinerande historier frå verdas mest ekstreme kontinent.

Troll flystripe i Antarktis. Foto: Sven Lidström / Norsk Polarinstitutt